Davies yn dychwelyd ar gyfer yr ymgyrch Ewropeaidd

Davies yn dychwelyd ar gyfer yr ymgyrch Ewropeaidd

12 Oct 2018
Davies yn dychwelyd ar gyfer yr ymgyrch Ewropeaidd
Mynd yn ôl

Fe fydd y Scarlets yn agor ymgyrch Cwpan Pencampwyr Heineken prynhawn Sadwrn ym Mharc y Scarlets yn erbyn Racing 92.

 

Fe fydd Wayne Pivac a’i dîm yn gobeithio sicrhau dechrau cadarn i’r ymgyrch gan ail adrodd, ac adeiladu ar, lwyddiant y llynedd.

 

Llwyddodd y rhanbarth i raddio o’r grwpiau y tymor diwethaf gan gyrraedd y rownd gyn derfynol am y tro cyntaf mewn degawd.

 

Mae Pivac wedi gallu galw ar y canolwr Jonathan Davie, wedi iddo golli’r gêm ddarbi yn erbyn y Gweilch penwythnos diwethaf.

 

Gyda Tom Prydie a Rhys Patchell yn absennol oherwydd anafiadau daw Angus O’Brien a Steff Evans i’r tîm cychwynol. Does dim newid i’r pac a wynebodd y Gweilch penwythnos diwethaf.

 

Mae Rob Evans yn cymryd lle ar y fainc wedi iddo wella o anaf i’w ysgwydd a ddioddefodd yn y gêm yn erbyn Leinster yn ail rownd y PRO14.

 

Wrth edrych ymlaen i’r ornest dywedodd Wayne Pivac; “Ry’n ni’n edrych ymlaen yn fawr at ddechrau’r ymgyrch Ewropeaidd. Mae gyda ni atogfion melys o’r gystadleuaeth y tymor diwethaf.

 

“Er dweud hynny ry’n ni eisiau dechrau’n well na’r tymor diwethaf. Mae Racing yn cyflwyno her gwahanol iawn i ni. Fe wnaethon nhw gyrraedd y rownd olaf tymor diwethaf.

 

“Mae gyda nhw lot o dalent yn y garfan. Mae’n rhaid i ni wneud yn siwr ein bod ni’n dechrau’n dda ac yn rhoi rhywbeth i’r dorf weiddi amdano.”

 

Tîm y Scarlets i wynebu Racing 92 ym Mharc y Scarlets, Sadwrn 13eg Hydref, cic gyntaf 17:30;

 

15 Leigh Halfpenny, 14 Johnny McNicholl, 13 Jonathan Davies, 12 Hadleigh Parkes, 11 Steff Evans, 10 Angus O’Brien, 9 Gareth Davies, 1 Wyn Jones, 2 Ken Owens ©, 3 Samson Lee, 4 Jake Ball, 5 David Bulbring, 6 Ed Kennedy, 7 Will Boyde, 8 Blade Thomson

 

Eilyddion ; 16 Ryan Elias, 17 Rob Evans, 18 Werner Kruger, 19 Tom Price, 20 Josh Macleod, 21 Sam Hidalgo-Clyne, 22 Dan Jones, 23 Paul Asquith

 

Wedi’u hanafu; Steve Cummins, Lewis Rawlins, James Davies, Dylan Evans, Jonathan Evans, Aaron Shingler, Rhys Patchell, Tom Prydie

 

Wedi’u gwahardd: Uzair Cassiem, Kieron Fonotia