Anaf Davies i’w gadw mas o’r gêm am fisoedd

Anaf Davies i’w gadw mas o’r gêm am fisoedd

25 Sep 2018
Anaf Davies i’w gadw mas o’r gêm am fisoedd
Mynd yn ôl

Mae’r Prif Hyfforddwr Wayne Pivac wedi rhoi’r newyddion diweddaraf  ar anafiadau cyn wynebu Southern Kings ym Mharc y Scarlets dydd Sadwrn.

 

Dywedodd yn gynharach heddiw; “Mae James wedi anafu ei PCL, mae’n anhebygol newn ni ei weld ochr yma i’r Dolig. Gydag anafiadau i Will Boyde a Josh Macleod mae tri ar goll yn yr un safle. Roedd y tri yn datblygu’n dda ac i golli’r tri ar yr un adeg, mae’n anodd.

 

“Mae’n siomedig iawn i golli James, yn enwedig gyda’r ddau 7 arall mas hefyd, mae’n rhoi straen ar y tîm. Mae e’n chwaraewr da iawn, mae pawb yn ymwybodol iawn o hynny. Mae e’n rhan mawr o’r ffordd ry’n ni’n chwarae’r giem.

 

“Mae e wedi datblygu’n arweinydd yn y grwp. Roedd e’n datblygu’n dda if od yn arwienydd yn y rôl stafell ddosbarth hefyd. Fe fyddwn ni’n gweld eisiau fe ond does dim byd y gallwn ni ei wneud.”

 

Mae Pivac yn obeithiol y bydd Boyde a Macloed ar gael ar gyfer gêm ddarbi cyntaf y tymor, yn erbyn y Gweilch, penwythnos nesaf.

 

Wrth fynd ymlaen i son am yr anafiadau eraill dywedodd; “Mae Jon (Davies) yn edrych yn dda, fe fydd e’n cymryd rôl yn ymarfer wythnos yma ac ry’n ni’n obeithiol y bydd yn iawn i chwarae rhan dros y penwythnos.

 

“Dioddefodd Leigh (Halfpenny) anaf i’w bigwrn, byddwn i’n synnu petai ddim ar gael ar gyfer y gêm yn erbyn y Gweilch.

 

“Fe fydd Clayton (Blommetjies) mwy na thebyg yn chwarae ryw rhan wythnos yma. Mae Steff (Evans) wedi bod yn gwneud gwaith ffitrwydd ar ôl dod nôl o anaf difrifol i’w anaf. Mae Rob (Evans) yn dal ar darged i fod yn iawn ar gyfer gêm y Gweilch hefyd.”

 

Fe fydd y Scarlets yn croesawu Southern Kings i Barc y Scarlets dydd Sadwrn, cic gyntaf 18:30.

 

Tocynnau ar gael nawr, cliciwch yma