Scarlets yn cadarnhau gemau cyfeillgar

Scarlets yn cadarnhau gemau cyfeillgar

29 Jun 2018
Scarlets yn cadarnhau gemau cyfeillgar
Mynd yn ôl

Fe fydd Wayne Pivac a’i staff hyfforddi yn cael cyfle i weld patrymau newydd yn eu cyfanrwydd a chwaraewyr newydd mewn gêm gystadleuol mewn dwy gêm gyfeillgar cyn i dymor Guinness PRO14 ddechrau.

Fe fydd y Scarlets yn croesawu Bristol Bears i Barc Caerfyrddin ar ddydd Sadwrn 18fed Awst, cic gyntaf 14:30, cyn wynebu gwrthwynebwyr Cwpan Pencampwyr Ewrop y llynedd Caerfaddon ar y Rec, nos Wener 24ain Awst, cic gyntaf 19:30.

Parc Caerfyrddin bydd yn llwyfannu gêm gyntaf y tymor newydd i’r Scarlets.

Ymunwch â ni am ddiwrnod arbennig i’r teuly oll lee bydd Scarlets yn y Gymuned hefyd yn rhoi cyfle i gefnogwyr ifanc y rhanbarth fwynhau gemau amrywiol.

Fe fyddwch yn gallu talu wrth y giat ar gyfer y gêm yn erbyn Bristol Bears gyda phris mynediad yn £10 i oedolion, £6 i gonsesiwn a phlant dan 16 yn cael mynediad am ddim.

 

Byddwn yn cyhoeddi manylion teithio ar gyfer y gêm yn erbyn Caerfaddon cyn bo hir.