Scarlets yn cadarnhau cytundeb Blommetjies

Scarlets yn cadarnhau cytundeb Blommetjies

10 Apr 2018
Scarlets yn cadarnhau cytundeb Blommetjies
Mynd yn ôl

Mae’r Scarlets heddiw yn gallu cadarnhau bod Clayton Blommetjies yn ymuno â’r rhanbarth o Cheetahs Rugby yn Ne Affrica.

 

Fe fydd Blommetjies, 27 mlwydd oed, yn ymuno â Uzair Cassiem o’r Cheetahs wrth ymuno â’r Scarlets ym Mharc y Scarlets dros yr ha far gyfer tymor 2018-19.

 

Fe ddaeth Blommetjies trwy’r system gyda’r Bulls yn Ne Affrica, gan chwarae ei rygbi ifanc i gyd yno, gan chwarae ei gêm proffesiynol cyntaf yn y Currie Cup. Mae wedi datblygu’n chwaraewr hanfodol yn nhîm y Cheetahs ac mae’n gyfrifol am lawer o lwyddiant y tîm.

 

Mae wedi chwarae 39 o gemau i’r Cheetahs yn Super Rugby gan sgori chwech cais ac mae wedi cynrychioli De Affrica ar bedwar lefel; Academi Ysgolion, Myfyrwyr, Dan 20 a’r tîm 7 bob ochr.

 

Mae’r chwaraewr, a anwyd yn Paarl, wedi gwneud argraff yn ei dymor cyntaf yn y Guinness PRO14 gan sgori pedwar cais ac wedi creu pump cais.

 

Yn ogystal â Blommetjies mae’r Scarlets wedi sicrhau cytundebau newydd i Aaron Shingler, Ryan Elias, James Davies, Rhys Patchell, Wyn Jones, Gareth Davies, Jake Ball, Jonathan Davies a Hadleigh Parkes, Dylan Evans, Jonathan Evans, Lewis Rawlins, Phil Price a Blade Thomson, Uzair Cassiem a Kieron Fonotia a fydd yn ymuno dros yr haf.

 

Wrth ymateb i’r newyddion dywedodd Wayne Pivac;; Ry’n ni’n falch iawn cael croesawu Clayton i’r Scarlets ar gyfer y tymor newydd.

 

“Mae e’n chwaraewr talentog iawn sy’n gallu chwarae mewn sawl safle yn y linell gefn. Mae e;n opsiwn hyblyg, yn enwedig yn ystod y cyfnod rhyngwladol. Mae e’n rhedwr cyffrous sy’n gallu cicio oddi ar y ddau droed ac mae ganddo’r gallu i ennill gemau.”

 

“Fe fydd Clayton yn ychwanegiad da wrth ystyried ei brofiad Super Rugby a Guinness PRO14.”

 

Dywedodd Jon Daniels, Rheolwr Cyffredinol y Scarlets; “Gyda chynifer o chwaraewyr yn absennol yn ystod y cyfnodau rhyngwladol ry’n ni wedi bod yn edrych yn ofalus ar y garfan ac yn awyddus i sicrhau’r cydbwysedd i wneud yn siwr ein bod ni’n gystadleuol trwy’r tymor. Fe fydd chwaraewr o brofiad Clayton yn rhoi cryfder i ni ar draws y tymor.”

 

Ychwanegodd Blommetjies; “Mae hwn yn bennod cyffrous i fi a’r teulu ac rwy’n edrych ymlaen yn fawr.

 

“Pan nes i gwrdd gyda Wayne a Jon roedd yn hawdd gweld pa mor broffesynol y mae’r clwb ar y cae ac oddi ar y cae.

 

“Maent yn gwneud yn dda yn Ewrop ac yn y Guinness PRO14 ar hyn o bryd ac mae’r posibilrwydd o ddod lan yn erbyn y Scarlets yn y rowndiau ail gyfle mewn ychydig wythnosau yn gyffrosu iawn.”

 

Gwnewch yn siwr eich bod chi #ynypac gyda Clayton Blommetjies yn 2018-19, Mae tocynnau tymor ar gael nawr. Cliciwch yma am wybodaeth pellach neu cliciwch yma i brynu tocyn tymor.