Scarlets yn enwi tîm rhyngwladol ar gyfer y gêm yn erbyn Caerfaddon

Scarlets yn enwi tîm rhyngwladol ar gyfer y gêm yn erbyn Caerfaddon

23 Aug 2018
Scarlets yn enwi tîm rhyngwladol ar gyfer y gêm yn erbyn Caerfaddon
Mynd yn ôl

Fe fydd ail gêm gyfeillgar yr haf yn cymryd lle ar y Rec nos Wener, 24ain Awst, gyda’r Scarlets yn wynebu tîm Caerfaddon.

 

Dechreuodd tymor y Scarlets gyda buddugoliaeth dros Fryste yn y glaw ym Mharc Caeerfyrddin penwythnos diwethaf gyda’r gêm yn erbyn Caerfaddon yn gyfle olaf i Wayne Pivac a’i hyfforddwyr weld chwaraewyr yn mynd trwy eu pethau cyn rownd agoriadol y Guinness PRO14 penwythnos nesaf.

 

Does dim llai na tri ar ddeg chwaraewr rhyngwladol yn nhîm cychwynol y Scarlets gyda’r Llew Jonathan Davies yn arwain y tîm. Mae capten y clwb Ken Owens wedi ei enwi ar y fainc ac mae’n un o ddau chwaraewr rhyngwladol ymhlith yr eilyddion, ynghyd â Werner Kruger.

 

Daw Davies yn ôl i’r cae yng nghrys y Scarlets wedi cyfnod hir ar yr ystlys yn gwella o anaf i’w droed, a ddioddefodd yn erbyn Awstralia yng Nghyfres yr Hydref y llynedd.

 

Fe fydd Kieron Fonotia, Sam Hidalgo-Clyne a Uzair Cassiem yn dechrau i’r Scarlets am y tro cyntaf ar ôl chwarae eu gemau cyntaf penwythnos diwethaf gyda Blade Thomson yn chwarae ei gêm gyntaf i’r rhanbarth.

 

Dywedodd y prif hyfforddwr Wayne Pivac; “Fe wnaethon ni ddysgu lot o’r gêm yn erbyn Bryste wythnos diwethaf, er gwaethaf yr amodau gwael ac fe fyddwn ni’n gobeithio gallu adeiladu ar hynny yn erbyn Caerfaddon nos Wener.”

 

Tîm y Scarlets i wynebu Caerfaddon, Gwener 24ain Awst, CG 19:30;

 

15 Leigh Halfpenny*, 14 Tom Prydie*, 13 Jonathan Davies* ©, 12 Kieron Fonotia*, 11 Steff Evans*, 10 Rhys Patchell*, 9 Sam Hidalgo-Clyde*, 1 Rob Evans*, 2 Ryan Elias*, 3 Samson Lee*, 4 David Bulbring, 5 Steve Cummins, 6 Blade Thomson*, 7 James Davies*, 8 Uzair Cassiem*

 

Eilyddion; 16 Ken Owens*, 17 Phil Price, 18 Werner Kruger*, 19 Ed Kennedy, 20 Josh Macleod, 21 Kieran Hardy, 22 Dan Jones, 23 Clayton Blommetjies, 24 Tom Price, 25 Steff Hughes

 

*Chwaraewyr rhyngwladol