Dau gais hwyr gan Gaeredin wnaeth atal y Scarlets rhag dathlu'r fuddugoliaeth yn ystod gêm heulog ym Mharc y Scarlets wrth orffen ymgyrch 2020-21 gyda'r sgôr yn gyfartal.

Gyda'r cefnogwyr yn dychwelyd i'r stadiwm am y tro cyntaf mewn 15 mis, roedd y Scarlets ar y blaen gyda phum munud ar ôl ar y cloc, ond Caeredin wnaeth brwydro tan y funud olaf i gadw'r Scarlets rhag dathlu.

Mae hyn yn golygu i'r Scarlets orffen ei ymgyrch Cwpan yr Enfys yn y seithfed safle, ond stori'r gêm oedd y cefnogwyr a'r teuluoedd yn cael rhannu'r diwrnod o leiaf unwaith yn ystod y tymor yma.

Cafodd chwaraewyr fel Uzair Cassiem, Jac Morgan, Pieter Scholtz a Will Homer ei gymeradwyo wrth i'r chwiban olaf ganu er eu gêm ddiwethaf mewn crys y Scarlets, wrth ddymuno'n dda i'r gweddill fel Werner Kruger, Ed Kennedy, Paul Asquith, Dylan Evans a Tom Phillips

Ac roedd hi'n bleser i glywed Sosban Fach yn cael ei ganu o amgylch y stadiwm unwaith eto.

Gyda'r haul yn sgleinio, y Scarlets oedd y tîm ar y bwrdd yn gyntaf wrth i'r mewnwr Kieran Hardy croesi'r llinell ar ôl pas ar y tu fewn wrth Tom Rogers ar ôl naw munud ar y cae. Dan Jones wnaeth llwyddo gyda'r trosiad.

Roedd y ddau ochr yn creu digon o gyfleoedd a Chaeredin oedd wedi llwyddo i hafalu’r sgôr ar 24 munud wrth i'r clo Marshall Sykes croesi.

Ymatebodd y tîm cartref yn gyflym wrth i gyfuniad Hardy-Rogers taro unwaith eto.

Cymerodd maswr Cymru'r bel yn gyflym cyn rasio i lawr y cae i basio draw at seren y gêm Rogers i wibio trwy'r amddiffyn a sgori.

Troswyd gan Jones gyda'r ddau dîm gyda'r cyfle i ymestyn eu sgôr cyn yr egwyl.

Roedd yna gyfle i'r Scarlets croesi am eu trydydd cais ar ôl ailddechrau'r gêm ond y bas gan Blade Thomson i Ryan Conbeer wedi'i feirniadu i fod ymlaen.

Roedd yna gyfle i Gaeredin i gael gafael yn y gêm wrth i Morgan Jones cael ei ddanfon oddi'r cae am herio'n beryglus, a'r blaenasgellwr yr Alban Jamie Ritchie yn pweru drosodd o dan y pyst i ddod â'r sgôr yn hafal eto.

Caeredin oedd i lawr i 14 dyn pan ddaeth yr asgellwr Jack Blain oddi'r cae am herio'n anghyfreithlon ac fe fanteisiodd y Scarlets ar unwaith.

Roedd cyfuniad Uzair Cassiem a'r anhygoel Blade Thomson a'u gwaith gwych gan basio ar y tu fewn at Hardy a oedd ar draws y llinell am ei ail gais o'r prynhawn.

Yr eilydd Sam Costelow yn llwyddo'r trosiad ac yn paratoi am un arall wrth i'r eilydd Daf Hughes croesi'r llinell.

Roedd y fuddugoliaeth yn edrych yn ddiogel wrth i'r cloc cyfri i lawr, ond Caeredin yn parhau i weithio at yr eiliad olaf gyda cheisiadau wrth Blain a'r eilydd Boan Venter yn dod â'r sgôr yn hafal wrth i'r chwiban ganu.