Pencampwyr Leinster rhoddodd perfformiad gwych ym Mharc y Scarlets i gipio’r fuddugoliaeth 52-25 mewn gem Guinness PRO14.

Roedd hi’n noson lwyddiannus i’r dalaith Wyddelig wedi iddynt sgori saith o geisiadau yn Llanelli.

Croesodd y Scarlets am dair cais gan faswr Dane Blacker, a’r eilyddion Will Homer ac Angus O’Brien ond er hynny roedd y Scarlets tu ôl am fwyafrif y gêm.

Roedd nifer o newidiadau i ochrau'r ddau dîm i gymharu â’u gemau PRO14 diwethaf, a’r Scarlets oedd y cyntaf ar y sgorfwrdd gan ddiolch i gic cosb gan Sam Costelow ar ei ddechreuad cyntaf yn y gystadleuaeth.

Ond yn dilyn ymdrech caled gan Leinster ar y llinell gartref, blaenasgellwr Iwerddon Dan Leavy groesodd y llinell gais a’r trosiad gan Harry Byrne.

Ymatebodd y tîm cartref yn gyflym.

Rhif 8 Uzair Cassiem, ar ei 50fed ymddangosiad i’r clwb, yn gweld cyfle i dorri lawr canol y cae a gyda phas gwych i Blacker yn croesi’r llinell.

Ar ôl i Costelow trosi, Leinster hawliodd eu hail gais o’r gêm yn dilyn tafliad cryf i mewn i’r llinell a’r bachwr James Tracy yn ymddangos o waelod y cyrff gyda’r bel.

Gwallau disgyblaeth mewn adegau hanfodol ar ddiwedd yr hanner cyntaf wnaeth adael y tîm cartref i lawr wrth i’r dyfarnwr gwobrwyo cais gosb i Leinster - a ganlynodd i Cassiem dderbyn cerdyn melyn - a chais arall gan yr asgellwr Cian Kelleher rhoddodd yr ymwelwyr ar y blaen 31-13 erbyn yr egwyl.

Roedd angen i’r Scarlets ymateb yn gyflym ar ddechrau’r ail hanner, ond yn hytrach Leinster cymerodd y cyfle wrth i’r capten Luke McGrath ychwanegu at y pwyntiau.

Fe lwyddodd i’r Scarlets sgori eu hail gais ar 64 munud wrth i Tyler Morgan creu’r cyfle i Homer sgori gais. Ond Leinster unwaith eto yn ymateb wrth i’r eilydd David Hawkshaw croesi a dangos natur gref y tîm Gwyddelig.

Roedd yna gyfle i O’Brien sgori gais unigol i godi gobaith am bwynt bonws, ond y Scarlets yn methu ffeindio unrhyw ffordd trwy amddiffyn Leinster.