Llwyddodd Munster i drechu'r Scarlets gyda buddugoliaeth pwynt bonws 28-10 ar noson wlyb a gwyntog ym Mharc Thomond.

Roedd y talaith Gwyddelig ar y blaen o'r hanner cyntaf ar ôl i'r maswr rhyngwladol Joey Carbery cynorthwyo'r sgôr i arwain 21-3.

Er i ddau chwaraewr Scarlet cael eu ddanfon i'r cell gosb rhwng y ddau hanner a gwynebu tywydd gwael, fe rhoddodd ymdrech gwell yn ystod yr ail hanner, ond Munster - sydd yn barod gyda safle yn rownd derfynol y PRO14 ar ddiwedd y mis - llwyddodd i orffen yn fuddugol.

Yr asgellwr Steff Evans groesodd am gais hwyr i'r Scarlets, ond gyda un gêm o'r tymor arferol ar ôl - yn erbyn Connacht ar wythnos i nos Lun - mae llawer o waith i'w wneud i ddiogelu safle yng Nghwpan y Pencampwyr.

Dechreuodd y Scarlets gyda sbarc wrth i'r mewnwr Dane Blacker torri trwy'r amddiffyn, ond colli momentwm gan golli'r bêl a Munster rheolodd gweddill yr hanner.

Yn dilyn cyfnod o ymosod ar linell yr ymwelwyr, llwyddodd y tîm cartref i sgori gyda'r wythwr Gavin Coombes yn croesi ar yr ugainfed munud, gyda Carbery yn trosi.

Ymatebodd y Scarlets gyda chic gosb gan Angus O'Brien, ond munudau yn ddiweddarach croesodd Munster am eu ail gais ar ôl i seren y gêm Carbery torri trwy amddiffyn y Scarlets cyn bwydo'r bêl i'r asgellwr Shane Daly am y cais.

Gwiriodd y dyfarnwr Sean Gallagher gyda'r dyfarnwr teledu am rhwystriad o bosib, ond fe wobrwyodd y cais gyda Carbery yn llwyddo'r trosiad i'w dîm.

Gyda'r Scarlets yn colli eu ffordd o fewn llygaid y dyfarnwr, roedd y tîm i lawr i 14 o ddynion cyn yr hanner pan aeth Aaron Shingler - a wnaeth ymddangosiad da ar ei ddychweliad - oddi'r cae gyda cherdyn melyn am dorri'r llinell. Arweiniodd hyn i drydydd cais Munster trwy'r bachwr Niall Scannell, a weithiodd ei ffordd i'r llinell o'r sgarmes symudol.

Roedd angen ailddechreuad positif i'r Scarlets wrth iddynt golli o 21-3, ond parhaodd Munster i reoli'r ail hanner ac ar ôl i'r eilydd Tevita Ratuva derbyn cerdyn melyn am drosedd yn y llinell, fe alluogodd hyn i Munster gael eu cais pwynt bonws gan ddiolch i'r eilydd, y bachwr Kevin O'Byrne.

Gyda'r tywydd yn gwaethygu, roedd cwarter olaf y gêm yn ddi-siap, ond fe lwyddodd y Scarlets i sgori cais hwyr pan gyfunodd gwaith da Steff Evans a Sam Lousi am gais gyda'r cloc yn goch. Y trosiad gan O'Brien.

Mae'r canlyniad yn golygu bydd rhaid i'r Scarlets aros i weld canlyniadau Benetton v Caerdydd a Connacht v Caeredin i weld beth fydd angen gwneud yn ystod y gêm olaf o ymgyrch y PRO14 yn erbyn Connach ym Mharc y Scarlets.