Cyhoeddi Cadog Homecare fel noddwr Lolfa Quinnell ym Mharc y Scarlets
Bydd y lolfa bellach yn cael ei adnabod fel Lolfa Quinnell Cadog Homecare, ac ar ddiwrnodau gemau yn cynnal profiad lletygarwch premiwm – Clwb Busnes Cadog Homecare.
Mae Cadog Homecare yn cryfhau eu partneriaeth hirdymor gyda’r Scarlets trwy barhau fel partner cit swyddogol a darparu cefnogaeth werthfawr i’r genhedlaeth nesaf o dalent y Scarlets.
Drwy’r Bartneriaeth Llwybr Datblygu, maen nhw’n noddi dau chwaraewr cyffrous o’r academi – y chwaraewr rheng ôl Dom Kossuth a’r maswr Carwyn Leggatt-Jones.
Yn ogystal â’u hawliau enwi ar gyfer Lolfa Quinnell a’u partneriaeth barhaus â’r cit, bydd Cadog Homecare yn parhau i fod yn weladwy iawn ym Mharc y Scarlets trwy hysbysebu yn y stadiwm.
Dywedodd Garan Evans, Pennaeth Masnachol y Scarlets: “Rydym wrth ein bodd yn ymestyn ein partneriaeth â Cadog Homecare, busnes sy’n rhannu ein gwerthoedd a’n hymrwymiad i’r gymuned.
“Bydd Lolfa a Chlwb Busnes Quinnell Cadog Homecare yn darparu profiad lletygarwch a rhwydweithio gwych i’n partneriaid ar ddiwrnodau gemau, tra bod eu buddsoddiad yn llwybr ein hacademi yn chwarae rhan allweddol wrth ddatblygu chwaraewyr y Scarlets yn y dyfodol.”
Dywedodd Chris Thomas, Sefydlydd a Chyfarwyddwr Cadog Homecare: “Fel busnes sydd â’i wreiddiau yng Ngorllewin Cymru, rydym yn falch o gryfhau ein partneriaeth â’r Scarlets. Mae nawdd Lolfa Quinnell a’r Clwb Busnes yn gyfle gwych i ni gysylltu â’r gymuned fusnes ehangach, wrth barhau i gefnogi’r tîm ar y cae ac oddi arno.
“Rydym yn angerddol iawn am gefnogi chwaraewyr ifanc fel Dom a Carwyn a helpu i ddatblygu Scarlets y dyfodol drwy’r llwybr.”
Pictured with Dom Kossuth is Rhian Hoare Director at Cadog Homecare.
