Mae clybiau rygbi iau ar draws rhanbarth y Scarlets yn cael eu gwahodd i gofrestru eu diddordeb mewn cymryd rhan mewn rygbi TAG hanner amser ym Mharc y Scarlets yn ystod tymor 2026–27.
Mae’r profiad diwrnod gêm hynod boblogaidd yn rhoi cyfle i chwaraewyr ifanc gamu ar gae Parc y Scarlets ac arddangos eu sgiliau o flaen stadiwm llawn dop, wrth fwynhau diwrnod bythgofiadwy yn cefnogi’r Scarlets.
Mae TAG hanner amser wedi dod yn nodwedd reolaidd o gemau cartref y Scarlets, gyda thimau iau o bob cwr o’r rhanbarth, a thu hwnt, yn cymryd rhan drwy gydol y tymor.
Yn ogystal â chwarae ar y cae arbennig yn ystod hanner amser, gall clybiau sy’n cymryd rhan fwynhau’r profiad diwrnod gêm ehangach ym Mharc y Scarlets, gan greu achlysur cofiadwy i chwaraewyr, hyfforddwyr, teuluoedd a chefnogwyr.
Anogir clybiau sydd â diddordeb mewn dod â thîm i gêm gartref y Scarlets yn ystod tymor 2026–27 i gofrestru eu diddordeb yn gynnar, gan fod disgwyl i leoedd fod mewn galw mawr.
I gofrestru diddordeb eich clwb mewn TAG hanner amser, cliciwch yma
Edrychwn ymlaen at groesawu clybiau o bob cwr o’r rhanbarth i Barc y Scarlets a rhoi cyfle i’r genhedlaeth nesaf o chwaraewyr rygbi ddisgleirio o dan y goleuadau.