Yn gyn-ddisgybl yn Ysgol y Strade yn Llanelli, cychwynnodd Steff ei yrfa ranbarthol gyda Scarlets dan 16 oed cyn graddio trwy'r rhengoedd. Cafodd ei enwi fel capten dan 20 Cymru ar gyfer Chwe Gwlad 2014 ac roedd yn rhan o garfan dan 20 oed a gyrhaeddodd rownd derfynol Pencampwriaeth Iau’r Byd yn 2013. Mae wedi gwella o anaf difrifol i’w ben-glin i ddod yn arweinydd uchel ei barch o fewn y garfan ac wedi bod yn gapten ar yr ystlys ar gyfer mwyafrif o ymgyrch 2019-20.