Mae Blade Thomson, blaenasgellwr y Scarlets, wedi cael ei alw’n ôl i garfan yr Alban ar gyfer yr ymgyrch Prawf hydref sydd ar ddod.
Mae Blade wedi bod ar ffurf drawiadol i’r Scarlets ers dychwelyd o anaf ac mae wedi cael ei wobrwyo gyda dewis yng ngharfan 40 dyn Gregor Townsend am ddiwedd Cwpan Chwe Gwlad Guinness 2020 a Chwpan Cenhedloedd yr Hydref sydd newydd ei lansio.
Ymddangosodd Blade ddiwethaf i’r Alban yng Nghwpan Rygbi’r Byd 2019 a gallai ymddangos yn erbyn rhai o’i gyd-aelodau yn y Scarlets pan fydd yr Albanwyr yn herio Cymru ym Mharc y Scarlets ar ddiwedd y mis.
Bydd yr Alban yn cychwyn eu gemau prawf hydref yn BT Murrayfield yn erbyn Georgia ddydd Gwener, Hydref 23 cyn wynebu Cymru yn Llanelli ar Hydref 31 yng ngêm ail-drefnu 2020 y Chwe Gwlad Guinness.
Mae Cwpan Cenhedloedd yr Hydref sydd newydd ei ffurfio yn dechrau ym mis Tachwedd gyda’r Alban ym Mhwll B ochr yn ochr â Ffrainc a Fiji y byddant yn chwarae yn BT Murrayfield yn ogystal â gêm Brawf oddi cartref yn erbyn yr Eidal.